លោកឧត្តមសេនីយ៍ត្រី ថាវ យ៉េន ចូលកាន់តំណែងជាមេបញ្ជាការកងរាជអាវុធហត្ថ​ ខេត្តរតនគិរីជាផ្លូវការ ប្រកាសដោយ សម្ដេចពិជ័យសេនា ទៀ បាញ់


រតនគិរី៖​ លោកឧត្តមសេនីយ៍ត្រី ថាវ យ៉េន ត្រូវបានសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ នៅព្រឹក ថ្ងៃទី១៤ ខែកុម្ភៈ ឆ្នាំ២០១៩នេះ ចេញប្រកាសតែងតាំង ជាមេបញ្ជាការកងរាជអាវុធហត្ថ​ ខេត្តរតនគិរី ជំនួស លោក គឹម រស្មី អតីតមេបញ្ជាការកងរាជអាវុធហត្ថ​ ខេត្តរតនគិរីចាស់​ដែលត្រួវបានដកហូតមុខតំណែង។

ការតែងតាំង​លោកឧត្តមសេនីយ៍ត្រី ថាវ យ៉េន ជាមេបញ្ជាការកងរាជអាវុធហត្ថខេត្តរតនគិរីនេះ​ ធ្វើឡើងបន្ទាប់ពី លោក គឹម រស្មី អតីតមេបញ្ជាការអាវុធហត្ថខេត្តរតនគិរីចាស់ ត្រូវបានព្រះមហាក្សត្រ ចេញព្រះរាជក្រឹត្យដកតំណែង តាមសំណើរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា។

លោកឧត្តមសេនីយ៍ត្រី ថាវ យ៉េន មុនតែងតាំងជាមេបញ្ជាការអាវុធហត្ថខេត្តរតនគិរី មានតួនាទីជា មេបញ្ជាការរង និងជានាយសេនាធិកា បញ្ជាការដ្ឋានកងរាជអាវុធហត្ថខេត្តរតនគិរី៕​